Այսօր պիտի խօսինք հայազգի սօփրանօ Լուսին Ամարայի
մասին
էջ մը հայ երաժշտութենէն`
Այսօր պիտի խօսինք հայազգի սօփրանօ Լուսին Ամարայի
մասին
Հայազգի հռչակաւոր սռփրանօ Լուսին Արմաղանեան, ծանօթ՝ Ամարա Լուսին անունով,
ծնած է ԱՄՆ ի Հարթֆորտ քաղաքը 1927-ին, ան դուստրն է Գէորգ եւ Ատրինէ Արմաղանեաններուն։
Լուսին
Ամարա 10 տարեկանին սկսած է ջութակ նուագել ։ 1940-էն 1949 ան կ՝երգէր Սան ֆրանսիսքոյի
հայկական եկեղեցւոյ մէջ։ Իր ուսումը ստացած է 1947-էն 1957 , երաժշտական համալսարաններու
մէջ , ստանալով թէ երաժշտական եւ թէ ձայնամարզական դասեր։
1948-ին Լոս Անճըլըսի
մէջ հայազգի Լուսին Ամարա , երգիչներու համաամերիկեան մրցոյթին մասնակցելով՝ արժանացած
է Ա. մրցանակին։ 1950-ին ընդունուած է Նիւ Եորքի ՜՜մէթրոփոլիթըն օփերայի՝՝ մէջ, հետագային
դառնալով անոր աստղերէն։
Որպէս մենակատար աշխատած է Սան ֆրանսիսքոյի Սինֆոնիի
մէջ։
Ելոյթներով մասնակցած է աշխարհի զանազան երկիրներու փառատօններուն.
Հռոմի, Սթոքհոլմի, Փարիզի, Երեւանի (1965-ին) եւ այլ երկիրներու օփերաներու բեմերու
վրայ, կատարած է մեծ երաժիշտներու՜ Փուչչինիի, Վերտիի, Մոցցարդի, Չայքովսքիի, Լէոնգավալլոյի
գործերէն դերերգներ յիշենք անոնցմէ՝ Միմի, Թոսքա, Չիո Չիո-սան, Լեոնորա, Աիտա, Տոննա
Էլվիրա եւայլն... ։ Խորհրդային Միութիւն կատարած իր շրջապտոյտին ելոյթներ ունեցած է
Թիֆլիսի, Լենինկրատի եւ Մոսկուայի մէջ իսկ Երեւանի մէջ հանդէս եկած է Սպենդիարեանի
անուան օփերայի եւ պալէի թատրոնին մէջ Աիտա օփերայի՝ Աիտայի դերերգով ու համերգ տուած
Հայֆիլհարմոնիայի մէջ։ Նշենք թէ՝ Հայազգի Լուսին Ամարա Կոմիտասի ծննդեան 100-ամեակին
առթիւ հանդէս եկած է ՜՜Կոմիտասեան Ստեղծագործութիւններու՝՝ կատարումով։